İke prezident – İslam Kärimov häm Saparmorad Niyazov ber-berse belän ül xätle dus bulmasa da, alar arasındağı qarşılıqlarnıñ, Aşğabadtan üzbäk ilçesen quwıp çığaru däräcäsenä citär dip berkem dä uylamağandır. Läkin çınbarlıq şundıy ki, Üzbäkstannıñ Törkmänstandağı ilçese Ğäbderäşit Qadırov kire üz ilenä qaytıp kitte, räsmi Aşğabad anı, üzğan ayda prezident Niyazovqa yasalğan höcümdä qatnaşuda ğäyepli. Noyäbrneñ 25-endä, törkmän prezidentı utırğan dip farazlanğan maşinağa ut açılu xaqında Törkmänstan yağı üze xäbär itkän ide. Şunnan soñ Niyazov ber çığışında, bu uñaydan ildä 46 keşeneñ, şul isäptän 17 çit il watandaşın qulğa alu xaqında iğlan itte. Törkmän yağı höcüm turında xäbär çığaru belän, monı prezidentqa oppozitsiädä torğan häm xäzerge waqıtta ilneñ çitendä yäşägän köçlär eşläde dip beldergän ide, töp ğöyepne, yäğni höcümne oyıştırunı räsmi Aşğabad, elekke tışqı eşlär ministrı Boris Şihmoradovqa yökläde, häm ul xätta, mäkerle niyäten çınğa aşıru maqsatında yäşeren räweştä Törkmänstanda da bulıp kitkän dip belderde. Aña bu eştä näq menä Aşğabadtağı üzbäk ilçese Qadırov yardäm itkän, ul Şihmoradovqa ilçelek binasında sıyınu da birgän dip xäbär itte Törkmänstannıñ baş prokurorı Qorbabibi Atacanova.
Audio, Qorbanbibi Atacanova
Şulay itep, Törkmänstannıñ baş prokurorı Qorbanbibi xanım süzlärenä qarağanda, Şihmoradov Törkmänstanğa yäşeren räweştä üzbäk yağınnan kergän, häm il eçendäge oppozitsiäneñ tağın berniçä wäkile, ayırım alğanda İqlimov, Cumayıv häm başqalar belän bergä ul, törkmän xalqınıñ yörägen, böyek citäkçe Saparmorad Törkmänbaşınıñ ğömeren urlarğa tırışqan. Üzbäkstannıñ tışqı eşlär ministrlığı, räsmi Taşkentnıñ Aşğabadtağı höcümgä az ğına da qatnaşı buluwın kire qaqtı, ministr Ğäbdelğäziz Kämilov, şaqtıy waqıt törkmän tışqı eşlär ministrı bulğan Şihmoradovnıñ üzbäk dusları küp bula ala, läkin Üzbäkstan xökümäteneñ moña bernindi dä qatnaşı yuq, ul Şihmoradovqa Törkmänstanğa kerüdä bulışmadı dip belderde.
Audio, Ğäbdeläziz Kämilov
Üzbäkstannıñ üzendäge oppozitsiä wäkilläre isä ministr Kämilovnıñ şuşı belderüwenä şiklänep qarıy, häm, ike ildä dä - Törkmänstanda da, Üzbäkstanda da avtoritar xakimiat bulu säbäple, çınbarlıqta nilär buluwın beläse bik awır dip isäpli. Üzbäkstannıñ Erk demokratik partiäsennän Atanazar Ğäripov.
Audio, Atanazar Ğäripov
Ägär dä Üzbäkstannıñ moña berär törle qatnaşı bar ikän, monıñ nindi räweştä eşlänüwe, andağı anti-demokratik xakimiatneñ, idarä itüneñ ber cimeşe bulıp tora dip isäpli üzbäk oppozitsiäse wäkile. Törkmänstan xakimiateneñ Aşğabadtağı üzbäk ilçesen quwıp çığaruwı ike il arasındağı kiyerenkelekne şaqtıy arttırdı, qayber xäbärlärdä xätta, ike yaq ta çik buyına östämä ğäskärlär tuplıy dielä. Läkin soñğı mäğlümatqa qarağanda, andağı wäzğiat älegä tınıç bulıp qala birä.
Kärim Kamal, Praga
Audio, Qorbanbibi Atacanova
Şulay itep, Törkmänstannıñ baş prokurorı Qorbanbibi xanım süzlärenä qarağanda, Şihmoradov Törkmänstanğa yäşeren räweştä üzbäk yağınnan kergän, häm il eçendäge oppozitsiäneñ tağın berniçä wäkile, ayırım alğanda İqlimov, Cumayıv häm başqalar belän bergä ul, törkmän xalqınıñ yörägen, böyek citäkçe Saparmorad Törkmänbaşınıñ ğömeren urlarğa tırışqan. Üzbäkstannıñ tışqı eşlär ministrlığı, räsmi Taşkentnıñ Aşğabadtağı höcümgä az ğına da qatnaşı buluwın kire qaqtı, ministr Ğäbdelğäziz Kämilov, şaqtıy waqıt törkmän tışqı eşlär ministrı bulğan Şihmoradovnıñ üzbäk dusları küp bula ala, läkin Üzbäkstan xökümäteneñ moña bernindi dä qatnaşı yuq, ul Şihmoradovqa Törkmänstanğa kerüdä bulışmadı dip belderde.
Audio, Ğäbdeläziz Kämilov
Üzbäkstannıñ üzendäge oppozitsiä wäkilläre isä ministr Kämilovnıñ şuşı belderüwenä şiklänep qarıy, häm, ike ildä dä - Törkmänstanda da, Üzbäkstanda da avtoritar xakimiat bulu säbäple, çınbarlıqta nilär buluwın beläse bik awır dip isäpli. Üzbäkstannıñ Erk demokratik partiäsennän Atanazar Ğäripov.
Audio, Atanazar Ğäripov
Ägär dä Üzbäkstannıñ moña berär törle qatnaşı bar ikän, monıñ nindi räweştä eşlänüwe, andağı anti-demokratik xakimiatneñ, idarä itüneñ ber cimeşe bulıp tora dip isäpli üzbäk oppozitsiäse wäkile. Törkmänstan xakimiateneñ Aşğabadtağı üzbäk ilçesen quwıp çığaruwı ike il arasındağı kiyerenkelekne şaqtıy arttırdı, qayber xäbärlärdä xätta, ike yaq ta çik buyına östämä ğäskärlär tuplıy dielä. Läkin soñğı mäğlümatqa qarağanda, andağı wäzğiat älegä tınıç bulıp qala birä.
Kärim Kamal, Praga