Accessibility links

шимбә, 10 декабрь 2016, Казан вакыты 04:09

Tөnyaq Koreya saqlanu ministrı Kim il Çol, atom suğışı bula qalsa, Quşma Ştatlardan rәximsez üç alu belәn yanadı


Tөnyaq Koreya üzәk xәbәr agentlığı belderüendә, Kim, Quşma Ştatlarnıŋ "Tөnyaq Koreya atom programması өstendә eşlәli", diğәn gәyeplәwlәren, kire qaqtı. Amerika hәm Britaniә rәsmilәre, Tөnyaq Koreya mәsәlәsen diplomatik yullar belәn xәl iterğә ciena. Britaniә tışqı eşlәr ministrlığınıŋ Koreya mәsәlәlәre өçen cawaplı wәkile Bill Rammell, bөten Britaniә isemennәn, Tөnyaq Koreyanıŋ atom tөş qoral programmasın tәrәqıy itüenә, borçılu belderde. Lәkin, xalıq ara mәydanda problemalar çişüneŋ berdәn ber yulı – demokratiә, dip әytte ul.Kiçә, Tөnyaq Koreyağa iğtibarnı Amerika saqlanu ministrı Donald Ramsfeld ta yunәlte. Ul, Tөnyaq Koreyanı, dөnya cәmәğәtçelegeneŋ igtibarı Ğıraqqa yunәlüwen, üz mәnfәğәtlәrendә kullanmasqa çaqırdı. Konyak Korea Prezidentı Ro Moo Hun, bügen, Rusiә, Qıtay hәm Yaponiә ilçelәre belәn oçraşqanda, şuşı illәrdәn Korea yarımutrawında atom tөş qoral mәsәlәsendә çıqqan nizaqnı tınıç yul belәn çişәrğә, yәrdәm soradı.

XS
SM
MD
LG