Fәlәstin üzidәrәlege başlığı Yәsir Arafat, Raştua bәyәrәme bilgelәp ütkәn waqıtqa, Izrailne iminlek rejımın yomşartırğa çaqırdı. Izrail xakimiәtlәre elgrәk, iminlek şartları ütәlğәn oçraqta, xristiannar maxsus avtobuslarğa utırıp, Bәyetlәhemğә kerә alaçaq dip әytkәn ide. Izrail, Arafat hөcümnәr tuqtalsın өçen bik az tırışlıq qürsәtә, dip inde ikençe yıl rәttәn, aŋa Raştua bәyәremenә Bәyetlәhemğә kilerğә rөxsәt itmi. Sөŋınnan, Izrail ğәskәrlәreneŋ Raştua bәyrәmenә komaçaw itmәw maqsatında, Bәyetlәhem şәhәrennәn waqıtlıça çığıp toruwı bilgele buldı. Armiә wәkile belderğәnçә, yaŋa terror ğәmәllәren planlaştıru turında mәğlümәt alınsa, ğәsqәrlәr qabat şәhәrğә kerәçәk. Şul arada, Gaza sızığında, Izrail xәrbilәre inde 50nçe cir astı yulın tabıp, anı yuqqa çığardı. Bu yuldan fәlәstin suğışçıları Misırdan qoral alıp yatqan, dip uylanıla. Qazılğan urın çik yanındağı Rafah şәhәre buyında tabılğan. Xәrbilәr cir astı yulın ğına tügel, aŋa iltüçe oylәrne dә şartlattı.
