Könbatış Yordan Üzänendäge Bäit-Lahem şähre 1995-nçe yılda fälästin idaräsenä tapşırılsa da ul äle İzrael okupatsiese astında . Çönki ber ay çaması elek Yärusalemdäge şartlaunı oyıştırğan intixar terrorçı Bäyt-Lahemnän ide.… Dönya televidinieläre bu arada mäğlüm säbäptän Bäyt Lahemne, anıñ tarixi bina ğıybadätxanälären küp kürsätä… İzrael xärbiläre şähär üzägendä ällä ni kürenmäsä dä, qaranğı, utlar yanmağan, kibet otelläre yabıq Bäit-Lahem ber dä rajtua atmosferasında tügel ..Ber waqıtlarnı böten dönyadan kilgän turistlar , bigräk tä bu waqıtta xristian xacılar belän tulğan bulırğa tieşle şähärdä bıyıl xätta şähär mäydanındağı zur çırşı ağaçı da İzraelgä protest säbäple yaqtırtılmağan berençe märtäbä şähär tarixında.
Vatikannıñ Yerusalemdäge wäkile latin patriarxı Michel Sabbah rajtua çirkäveneñ yanındağı izge Katarina çirkäwendäge çığışında İzrael okupatsiese astında yäşäwçe fälästinnärgä solıx , tınıçlıq telägän. Patriarx Sabbah izraellelärgä şähärläregezdä , uramnarığızda qan ağa, bu konfliktnı çişkän açqıç sezneñ qulda , älegäçe alıp barğan eşçänlek belän fälästinnärne izgän bulsağız da tınıçlıq urnaştıra almadığız dip äytte. Tınıçlıq vä iminlek urnaştıru öçen yaña qaraş kiräk dip söyläde Michel Sabbah.
İzrael bıyıl da Yasir Arafatqa Ramallah-dan Bäit-Lähemgä baru röxsäte birmäde. Ul añı ike yıl elek başlanğan intifada , köçqullanu- başkütärü öçen ğäyepläp kilä. Arafat düşämbedä xristian citäkçeläre belän oçraşuda böten dönya rajtuanı tınıçlıqta bäyräm itkändä, Fälästin cirlärendä, Bäit-Lähemdä xalqıbıznıñ rajtua bäyrämen qotlaunı tıyu ğädel eşme dip sorağan ide. Arafat süzlärençä böten dönya çırşı ağaçlarına soqlanıp qarağanda , Bäyt-Lähem häm Palestinadağı awıl, şähärlär qaranğıda, qamau astında , cimerek , keşelär üterelä, qulğa alına . Arafat rajtua täbriklären kündärep bez Äl Quds yäisä Bäit-lähemdä oçraşaçaqbız digän ömed belderde. Bilgele bulğança Yasir Arafat biş waqıt namaz uquçı möselman , anıñ xäläl cifäte Suxa isä xristian dinendä, Könbatış Yarı häm Bäyt-Lähem tiräsendäge awıllarda yäşäwçe fälästinnärneñ 35% xristian dinendä. Yasir Arafatnıñ inde ikençe yıl buş torğan çirkäwdäge urındığına bıyıl da kefiye häm inglizçe Xörmätle Yasir Arafat , Fälästin däwläte prezidentı digän yazu quyılğan ide. Patriarx yolada bez sezneñ monda buluığıznı bik telär idek. Allah sezgä qamau astında solıx vä ğädellek missiäsenä dävam itüe öçen aqıl häm köç birsen dip ğıybadät itte. . Mishel Sabbah çirkäüdäge inanuçılarğa bu rajtua bäyräme tormış işekläre yabıq bik qıyın şartlarğa turı kilde.Bez ireklek taläp itergä däwam itäçäkbez… Fälästinnär izrael xalqına tınıçlıq, iminlek häm yaxşılıqlar teli, bez fälästinnär izraellelärdän köç qullanunın säbäben añlauların sorıybız. Säbäp :okupatsie , sezgä yaña qaraşlarğa iä citäkçelär kiräk yäki sez citäkçelärgä monda yäşäwçe barlıq xalıqlarğa solıx vä iminlek kiteräçäk yaña qaraşlarnı qabul itterergä tieşsez dip söyläde.
Bäit-Lähemdä xristiannar bıyıl rajtua bäyrämen ğıybadätlär belän genä ütkärä, barlıq başqa bäyräm çaralarınnan vazkiçelgän. İzrael armiseneñ süzçese bez anda bulırğa ber dä telämäs idek, ämma terror oyışmaları rajtua yäki başqa bäyräm dip tänäffäs iğlan itmilär dip äytkän ide
Färidä Xämit; Praga
Färidä Xämit; Praga