Accessibility links

Кайнар хәбәр

Däwlät Sovetınıñ XIII plenar utırışı tämamlandı


İnde anıñ berençe näticäläre dä yasala başladı. Xäyer, sessiäneñ näticäläre digändä, kübräk anıñ töp mäs’äläse bulğan büdjet temasın açırğa tırışalar. Ä menä sişämbe könne qaralğan Tatarstan respublikası xalıqlarınıñ telläre turındağı qanunnıñ ütäleşe belän qızıqsınuçılar ällä ni kürenmi. Ğädättä prezident süzlären yazıp çığarırğa yaratuçı tatar matbuğatı da, rus telle mäğlümat çaraları da bu turıda bernärsä dä diärlek yazmadı da, söylämäde dä. Şulay da, rus telendä çığuçı ber gazet bu temağa tuqtaldı. Läkin anı da bernärsä genä qızıqsındırğan. Mintimer Şäymievneñ süzlärenä nigezlänep, jurnalist latinğa küçü turında bäxäsläşülär tämam, onıtığız, digän näticä yasıy. Tatarstannıñ İnternet resurslarında da şuşı temağa ğına iğtibar itelä. Şulay itep, Tatarstanda tellärgä qağılışlı ber genä problema bulğan, ul da bulsa — tatar telen latin imlasına qaytaru, digän tä'sir qala. Anısı da inde xäl itelä yazğan — bernindi dä latin bulmıy, tınıçlanığız. Monıñ belän çağıştırğanda qalğanı inde möhim tügel küräseñ.
XS
SM
MD
LG