Accessibility links

сишәмбе, 6 декабрь 2016, Казан вакыты 03:58

Bötendönya tatar kongressında Semberdän kilgän millättäşlärebez belän oçraşu ütte


Bötendönya tatar kongressı da eşsez utırmıy. Soñğı arada ul şaqtıy qızıqlı häm möhim çaralar ütkärä, küp kenä eşlär başqara. Bügen sezne Tatar kongressı tarafınnan eşlänelä torğan tağın ber ğämäl belän tanıştırası kilä. Bu xaqta «Azatlıq» radiosınıñ Qazan studiäsendä Bötendönya tatar kongressı Başqarma komitetı räise urınbasarı İlsur Hädiullin söyli.

AUDİO: Bötendönya tatar kongressı ağımdağı yılnıñ üktäber ayında Rusiäneñ töbäklärenä häm BDB illärenä Qazanğa çaqırular cibärde. Anda bez çittäge millättäşlärebezne Qazanğa kilep, meñyıllıq şähärebez belän tanışırğa çaqırdıq. Küp kenä töbäklärdän inde cawaplar kilde. Şular nigezendä bez grafik tözep, ayırım regionnarnı çaqırıp, qabul itä başladıq. Mäsälän, küptän tügel genä Qazanda Sarıtaw, Tömän, Kostroma delegatsiäläre bulıp kittelär.

İnde işetkänegezçä, berniçä töbäktän kilgän millättäşlärebez Qazan belän tanışıp, Qazanda törle oçraşular ütkärep tä kitkännär. 24 dikäber könne Bötendönya tatar kongressı Başqarma komitetında tağın ber şundıy çittäge millättäşlärebez belän oçraşu uzdı. Bu yulı Tatarstanğa Sember uqıtuçıları häm uquçıları kilgän ide. Alarnıñ üzlären dä tıñlap qarıyq äle.

AUDİO: Bez Qazanğa 30 keşe kildek — 3 uqıtuçı häm 27 uquçı bala. Barıbız da Ulyan ölkäseneñ Çınlı rayonı Käşä awılınnan. Monda kilüebezgä bik şatbız. Bez Qazan belän tanıştıq, törle muzeylarda buldıq, qızıqlı oçraşularda qatnaştıq, Kamal teatrında «Zäñgär şäl» spektaklen qaradıq. Balalarğa da bik oşadı, alar barısı da Qazanğa bik teläp kilde. Kübese şähärne äle berençe märtäbä genä kürde.

XS
SM
MD
LG