Accessibility links

якшәмбе, 11 декабрь 2016, Казан вакыты 16:56

Ğıraq Prezidentı Sadaam Xөsәin üz ileneŋ izge suğışqa әzer buluwın belderde


Ğıraqta küplәp yuq itü qoralların ezlәw ber tuqtamıy dәwam itә. Berlәşkәn Millәtlәr Oyışması qoral tikşerüçelәrennәn tөrğan 3 tөrkem tөrle urınnarğa kitte. Ğıraq belgeçlәre arasında ütkәrelә torğan soraştıru da dәwam itә. Ğıraq prezidentı Sadaam Xөsәin, Televidenie aşa çığış yasap, üz ileneŋ izge suğışqa әzer buluwın belderde.Izrail premyer-ministrı Ariel Şaron, Bağdat xalıqara belgeçlәrdәn üzeneŋ ximik hәm biologik qoralların yaşerer өçen, alarnı Suriәğә küçerep torırğa mөmkin, diğәn fiker әytte. Quşma Ştatlar, Ğıraqnıŋ xisabın işandırırlıq tügel dip bәyәli hәm Farsı qultığında ğәskәrlәrneŋ sanın arttıra.

Sөğüt Ğәrәpstanı şahzәdәse Sөğud Al Feysal, Ğıraqqa qarşı suğışnı buldırmas өçen ğәrәp illәre citәkçelәre qullınan qilğәn hәr nәrsәne eşli, dide. Elegrәk Sөğüt Ğәrәpstanı, BMO, xәrbi çaralar ütkәrüne raslağan өçraqta ğına, Amerikan oçqıçlarına hawa kiŋleklәren birerğә, kileşkәn ide. Tөrkiә premyer minisrı Abdula Gul xәbәr itkәnçә, Tөrkiә, Ğıraqqa qarşı mөmkin suğıçta qatnaşuğa rizalığın birmәde ale.

XS
SM
MD
LG