Tatarstan prezidentı Mintimer Şäymiev 2003 yılğa büdjet proyektın qabul itkän könne jurnalistlarğa birgän interv'yusında “Bez büdjetnıñ sotsial' yünäleşlegen saqlap qala aldıq”, digän ide. Rayonnarda, awıl cirendä şuşı sotsial' väzgıyät' nindi? Soñğı könnärdä citäkçelär şunıñ belän qızıqsına. Premyer-ministr sotsial'-iqtisadi xäle respublikada iñ möşkel bulğan Ägerce rayonında bulıp, şuşı xäldän çığu yulların bilgeläwçe cıyılış ütkärep qayttı. Ä çärşämbe könne Şäymiev Saba rayonında xalıqnıñ tormışı, sotsial' xäle belän tanışıp yörde. Säyäsi temağa da ber söyläşü buldı. Saba rayonında yäşäwçe “Единая Россия” firqäse aktivistları belän oçraşu waqıtında Şäymiev älege firqäneñ çınnan da xakimiätkä omtıluın rasladı, dip xäbär itelde räsmi mäğlümat çaralarında. Şulay itep, Tatarstan prezidentı ““Единая Россия” firqäseneñ citäkçelegendä räistäş wazifasında qalaçağın häm eşläyäçägen tağın ber rasladı.
