Accessibility links

пәнҗешәмбе, 8 декабрь 2016, Казан вакыты 15:08

Tatarstandağı suıqlar berniçä keşeneñ ğömeren özde, energetiklarğa zian kiterde


Tatarstan östenä kilgän zämhärir suıqları Yaña Yıl aldı mäşäqätlären tağın da mäşäqätleräk itte. Qazanda inde täwlek buyı temperatura stabil' – 30 gradus suıq. Şuña kürä Yaña Yıl aldı bazarlarına çığarıp quyğan çırşılarnı Qazan xalqı bii-bii saylıy. Suıq bietä. Älbättä, mondıy suıqlar energetiklar öçen yaman. Alar rezervların açırğa tieş, özleksez cılı birüne tä'min itärgä tieş. Ä bu östämä çığımnar digän süz. Tatar-inform agentlığı Tatarstan energetikları salqınnar arqasında zıyan kürälär, mazut yağu kisken arttı, dip xäbär itä. Cılısız utırğan şähär yortları, awıllar turında, şöker, xäbärlär yuq. Şulay da, inde bu atnada Qazanda öşep ülüçe 3 ir keşe bar dip xäbär itelde.

Suıq könnärne yanğın çığu oçraqları yışaya. Şulay, çärşämbe könne Qazanda TASSRnıñ 10 yıllığı isemendäge mädäniät yortında konferens-zalda cıyılış barışında töten kerä başlağan. Yanğın waqıtında sünderelde, 63 keşe binadan waqıtında çığarıldı, dip xäbär itelä räsmi xäbärlärdä. Älegä başqa xäwef-xätärlär turında işetelmi, ä zämhärir suıqları Yaña Yılğa xätle däwam itäçäk digän farazlar xalıqnı borçıp tora.

XS
SM
MD
LG