Accessibility links

пәнҗешәмбе, 8 декабрь 2016, Казан вакыты 09:06

Ğıraqnıŋ Masul şәhәrendә dә tikşerü üzәge oyıştırılaçaq


Ğıraqta bügen qoral ezlәw aktivrak tөstә alıp barıla başladı. Tөrle qorılmalarğa barulardan tış, bügen, Berlәşkәn millәtlәr oyışması belgeçlәre Bağdattan 400 km yıraqlıqta urnaşqan Masul şәhәrenә kitte. Anda ikençe ezlәw üzәge oyıştırıla. Ğınvarnıŋ 27-senә qәdәr qoral tikşerüçelәr, Berlәşkәn Millәtlәr Oyışmasına bөten eşlәğәn eş turında xisap tapşırırğa tieş. BMOda kaçaqlar өçen cawaplı Ruud Lübbers, dөnya cәmәğәtçelegenә mөrәcәğәt itep, Ğıraqqa qarşı suğışnı buldırmas өçen, mөmkin bulğan hәr nәrsәne eşlәrğә çaqırdı. Anıŋ fikerençә, bu çara Ğıraqqta humanitar hәlakәtkә kiterәçәk.

Ğıraq xakimiәtlәre belderğәnçә, kiçә, Amerika hәm Britaniә oçqıçları yasağan hөcüm nәticәsendә, 3 keşe üterelğәn, 16-sı yaralanğan. Ğıraq yaŋalıqlar agentlığı belderğәnçә, Basr hәm Naser şәhәrlәrendә tsivil qorılmalar cimerelğәn. Amerikan xәrbi citәkçelәre isә, düşәmbe kөnne, Quşma Ştatlarnıŋ xәrbi oçqıçı bәrep tөşerelğәnnәn sөŋ, Ğıraqnıŋ idәrә üzәğe hәm raketalardan saqlanu qorılmalarına hөcüm yasadlı, dip xәbәr itә.

XS
SM
MD
LG