Accessibility links

Кайнар хәбәр

Izrail ğәskәrlәrenә terrorçılarğa qarşı bөten bulğan qorallarnı qullanu boyırığı birelde


Izrail saqlanu ministrı Şaul Mofas bügen Izrail ğәskәrlәrenә terrorçılarğa qarşı, kirәk bulsa bөten bulğan qorallarnı qullanu boyırığın birde. Izrail, fәlәstin terrorçılığı belәn qөrәşne kөçәytә, dide ul. Bu qarar, xәrbi citәkçelәr hәm maxus xezmәtlәr wәkillәre qatnaşlığında pәnceşәmbe kөnne ütkәn cielıştan sөŋ qabul itelde. Şunnan sөŋ ğәskәrlәr fәlәstin cirlәrendә xәrbi opperatsiәlәr ütkәrde. Atışlarda 9 keşe üterelde, 15 fәlәstin suğışçı qulğa alındı. Alar arasında Hamas hәm Al-Aksa şahitlәre tөrkeme әğzәlәre dә bar.

Izrail ğәskәrlәre şulay uq yaŋadan Bәyetlәhemğә kerde hәm Raştua bәyrәme uŋayınnan tuqtatılğan komendant sәğәten yaŋadan kertte. Uramnarda qalırğa telәğәn fәlәstinlelәr küz yәşe gazı belәn quıp taratılğan.
XS
SM
MD
LG