Accessibility links

шимбә, 10 декабрь 2016, Казан вакыты 21:37

Xalıqara Atom energiäse idaräse, üzeneñ Tönyaq Koreyädäge küzätüçelären ildän çığaraçın iğlan itte


Vena. Berläşkän Millätlärneñ, Xalıqara atom energiäse idaräse bügen, kommunistik Pxenyannıñ taläben ütäw yözennän, kiläse sişämbedä üzeneñ Tönyaq Koreyädäge küzätüçelären ildän çığaraçağın xäbär itte. İdarä belderüwendä Tönyaq Koreyäneñ xalıqara yöklämälären ütäwdän baş tartuwı tänqitlänsä dä, andağı 3 xalıqara inspektor ildän kitäçäk dielä. Pxenyan, ildäge elektr qıtlığın xäl itü maqsatında, 1994-nçe yıldan birle eşlämägän atom reaktorın yañadan safqa bastıru qararınnan soñ, kiçä, xalıqara küzätüçelärneñ ildä qaluwı öçen nigez yuq dip beldergän ide. Şuşı ğämällären, yäğni reaktor eşen yañartunı Tönyaq Koreyä, maxsus xalıqara konsorsiumnıñ aña yağulıq birüwen tuqtatuwı häm kilep tuğan elektr qıtlığı belän añlata.

XS
SM
MD
LG