Accessibility links

якшәмбе, 4 декабрь 2016, Казан вакыты 11:07

Ğiraq oppozitsiäse üzendä, Saddamnıñ tıyılğan qorallar eşläwen raslağan dälillär buluwı xaqında belderde


Bagdad. Berläşkän Millätlär Oyışmasınıñ Ğiraqtağı qoral inspektorları bügen, barlığı 5 ayırım urınnı barıp tikşerde. Şularnıñ qayberlärendä alar inde elek tä bulğan ide. Ğiraqnıñ küpläp yuq itü qoralları buluwın, yäisä alarnı eşläp çığarırğa teläwen kürsätkän dälillärne ezläw inde ikençe ayına kerde. Tikşerülär däwam itkän ber mäldä, Quşma Ştatlar, qayber xäbärlärgä qarağanda, suğış ixtimalına äzerlek yözennän, Farsı qultığı töbägenä östämä ğäskärilär häm xärbi cihazlar cibärergä äzerlänä. Ğiraqnıñ säwdä ministrı Möxämmäd Mähdi Salix ul arada, üz ileneñ, bar mömkin höcümnärgä qarşı xärbi wä iqtisadi çaralar kürüwen xäbär itte, häm, üzenä höcüm yasawçılarğa Ğiraq onıtmaslıq sabaq biräçäk dip kisätte. Ğiraqnıñ İranda urnaşqan şığıy oppozitsiäse wäkile isä, üzendä, Saddamnıñ küpläp yuq itü qoralları eşläp çığaruwın raslağan dälillär buluwın äytte. Bu xaqta, Ğiraqnıñ islam inqilabı şurası citäkçelärennän berse Ğäbdeläziz Xäkim belderde. Anıñ süzlärençä, Ğiraq xakimiate andıy qorallarnı çiteşterä häm monı yäşerergä tırışa. Xäkim üz oyışmasınıñ, andıy şikle urınnarnıñ qayda urnaşuwı xaqında mäğlümatı buluwı, häm monı Berläşkän Millätlärgä citkerergä teläwe turında xäbär itä.

XS
SM
MD
LG