Accessibility links

җомга, 9 декабрь 2016, Казан вакыты 13:00

Germaniädäge uyğırlar, kansler Schroedernıñ Qıtay citäkçeläre belän oçraşuwında azçılıqlar mäs’äläsen kütärergä çaqırdı


Muenchen. Uyğırlarnıñ Germaniädä urnaşqan, tanılğan ber milli törkeme, Könçığış Törkestan Milli Kongressı, kansler Gerhard Schroederğa yullağan açıq xatında, german citäkçeseneñ Qıtayğa yasağan säfäre barışında, räsmi söyläşülärdä, andağı azçılıqlar xoquqı mäs’äläsen kütärergä çaqıra. Bilgele bulğança, möselman dinen totqan uyğırlar, xäzer Qıtaynıñ ber öleşe sanalğan tönyaq-könbatıştağı Şıñcan wilayäte, yäğni Könçığış Törkestan xalqınıñ zur küpçelegen täşkil itä. Üz xatında Könçığış Törkestan Milli Kongressı kansler Schroederdan, uyğır xalqın ezärleklägän Qıtay säyäsäten açıqtan-açıq tänqitläp çığunı ütenä. Şul xatta, Könçığış Törkestanda ruxanilär köçläp ideologik eşkärtülärgä duçar itelä, dini eşçänlekkä kirtälär quyıla, uyğır kitapları yandırıla, yuğarı mäktäp däräcäsendä uyğırça uqıtu tıyıla dip yazıla. Şuşı ğäyepläwlärne üzeneñ elekke xisaplarında, mäğlüm xalıqara törkem, Amnesty İnternational da bäyän itkän ide. Könçığış Törkestan törkeme yullağan xatta, Schroeder Qıtay räsmiläre belän oçraşqanda ber uyğırlarnı ğına tügel, ä tibetlılarnı häm Falun Goñ dini mäzhäbe äğzaların da iskä alsa ide dielä.

XS
SM
MD
LG