Accessibility links

шимбә, 10 декабрь 2016, Казан вакыты 08:12

Berläşkän Millätlärneñ qoral inspektorları Ğiraqta yaña urınnarnı tikşerä


Bagdad. Ğiraqtağı qoral inspektorları bügen anda tağın 3 şikle urınnı barıp tikşerde. Bu xaqta Ğiraqnıñ mäğlümat ministrlığı xäbär itte. Küzätüçelärneñ ike törkeme, Bagdadnıñ tönyağında ber elektronika şirkäten, häm başqala üzägendä ber möhändis şirkäten tikşergän. Öçençe törkem isä Ğiraqnıñ tamojnäsendä bulğan dip xäbär itelä. Bügen irtän Berläşkän Millätlärneñ inspektorları urnaşqan binada yanğın çıqqan ide, Ğiraq yanğınçıları tarafınnan ul şunda uq sünderelde. Bügenge köndä ildä tıyılğan qorallar ezläwne 100-dän artıq xalıqara küzätüçe alıp bara. Räsmi Bagdad inspektorlarğa, ximik, biologik, atom qoralları programması qısalarında eşlägän 500-läp ğalim wä belgeçneñ isemelgen tapşırdı. Ğiraq prezidentı Saddam Xösäyen ul arada, ğäräp xezmättäşlege häm xalıqara mäs’älälärne tikşerü öçen, ilneñ yuğarı citäkçeläre utırışın ütkärde. Anda qatnaşuçılar arasında, Saddamnıñ urınbasarı Ezzat İbrahim, vitse-prezidentlar Taha Yassin Ramadan häm Taha Möhetdin Maaruf, premyer-ministr urınbasarı Tariq Äziz häm parlament citäkçese Saadum Hammadi, tışqı eşlär, mäğlümat, yustitsiä ministralrı bar ide dip xäbär itä Ğiraqnıñ İNA agentlığı.

XS
SM
MD
LG