Accessibility links

шимбә, 10 декабрь 2016, Казан вакыты 13:42

Rusiädäge tikşerüçelär Groznıydağı şartlawlar artında kemnär toruwın açıqlarğa tırışa


Mäskäw. Rusiä xakimiate, äle haman da üzendä, Groznıydağı xökümät yortın şartlatu artında kemnär toruwına işarä itkän dälillär bulmawın belderä. Comğa könne, şartlatqıç tutırılğan ike yök maşinası, Çeçnäneñ Mäskäw tarafınnan bilgelängän xakimiate binası qarşındağı kirtälärne cimerep kerep, andağı şähidlär şul binanı şartlatqan ide. Mäskäw yaqlı çäçän xökümäte räise Mixail Babiç bügen, şunıñ näticäsendä kimendä 52 keşe ülde, 153-e cäräxätlär aldı dip belderde. Çeçnäneñ eçke eşlär ministrı Äxmät Dakayev, şuşı höcümne oyıştıruğa qatnaşı buluda şiklänelep älegä berkem dä qulğa alınmadı, tikşerüçelär, şartlaw artında toruçılarğa iltkän nindi dä bulsa bäyläneşlär ezläwne däwam itä dip äytte. Kiçä, Rusiä prezidentınıñ Könyaq federal’ okrugtağı wäkile Viktor Kazantsev, Groznıydağı höcüm, iminlek köçläre arasında kiñ taralğan cawapsızlıq häm wayımsızlıq arqasında buldı dip beldergän ide. Çäçän prezidentı Aslan Masxadov isä, üzeneñ, şuşı höcümne oyıştıruçılar qullanğan alımnarnı yaqlamawın äytte.

XS
SM
MD
LG