Accessibility links

җомга, 9 декабрь 2016, Казан вакыты 05:05

Yewropa Berlege küzätüçeläre Keniä saylawların ğadel dip bäyäläde, anda yaña prezident saylandı


Nayrobi. Keniädä ütkän häm oppozitsiäneñ zur ciñüwe belän tämamlanğan ğomumi saylawlarnı, Yewropa Berlegeneñ andağı küzätüçeläre, irekle, transparent häm ğadel dip bäyäläde. Bu xaqta Nayrobidä uzğan matbuğat oçraşuwında, Yewropa Berlegeneñ saylawlarnı küzätü törkeme başlığı Anders Wijkman äytte. Comğa könne Keniädä beryulı, prezident, parlament häm cirle idarä saylawları uzdı, Wijkman bu uñaydan, şuşı tawış birü, ildäge demokratiäne alğa etärü ölkäsendä möhim ber adım buldı dip belderde. Keniäneñ üzäk saylaw komissiäse yäkşämbe kiçen, prezident saylawlarında oppozitsiä citäkçese Mwai Kibakineñ ciñüwen xäbär itte, şulay itep, xäzerge prezident Daniel Arap Moi citäklägän partiäneñ, Keniä bäysezlek alğannan birle, 40 yılğa diyärlek suzılğan xakimiate tämamlana digän süz. Berençel näticälär, ilneñ yaña prezidentı Kibaki citäklägän oppozitsiäneñ parlament saylawlarında da ciñüwen kürsätä.

XS
SM
MD
LG