Hamburg. Yewropa Üzäk Bankı räise Wim Duisenberg, kiläçäktä äyläneşkä 1 häm 2 yewrolı qäğäz aqça kertü plannarı turında xäbär itte. Ul bu xaqta, Germaniäneñ Bild am Sonntag basmasına belderde, anıñ süzlärenä qarağanda, älege täqdim belän İtaliä çıqqan. Älegä qädär äyläneştä, 1 häm 2 yewrolı täñkälär genä yöri ide, ä qäğäz aqça isä 5 yewrodan alıp 500 yewro öçen genä kertelgän. Yewropa Üzäk Bankı mödire Wim Duisenberg xäzerge waqıtta şuşı täqdimneñ uñay wä tiskäre yaqları tikşerelä dip belderde, läkin ğämälgä kertelgän oçraqta da bu eş yıllarğa suzılaçaq dip tä östäde.
