Accessibility links

Кайнар хәбәр

Tatar ensiklopediäseneñ berençe tomı yaña yıl başında dönya küräçäk


Yaña yıl aldınnan millättäşlär öçen bik möhim ber waqiğa buldı. Fännär akademiäsendä Tatar ensiklopediäseneñ berençe tomına qul quyıluğa bäyle utırış buldı. Bu tom ensiklopediägä kergän “A”, “Б”, “В” xäreflärenä bağışlanğan şäxeslärgä, oyışmalarğa häm küreneşlärgä bağışlanğan.

Şunısın da äytergä kiräk, şulay uq Ensiklopediäneñ ber tomlıq tatarça süzlege dä basuğa birelä. Rusça ber tomlıqqa qarağanda, ul meñ süzgä arttırılğan. Nasıyp bulsa, bälki, şuşı tatar ensiklopediä süzlegeneñ latinça variantın internet aşa da kürerbez. Härxäldä, “Azatlıq” radiosı bu eş başqarılğanda, çit illärdä yäşäwçe tatarlarğa bik faydalı häm qızıqlı ğämäl bulır digän täqdimne älege institutqa iñ berençelärdän bulıp kertte. Akademiä xezmätkärläre dä bu turıda uylıy ikän. Alla birsä, yaz könnärendä şulay itep tatarça häm rusça qalın kitaplar, Tatar ensiklopediä tomnarı qulğa kerer.

Ä xäzergä Qazanda zämhärir salqın, Yaña yıl citä, 31 kiç tatarça iärçenle televidenie “Yaña ğasır” aşa Berençe teatr spektaklen qararğa mömkin bulaçaq. Bu klassik pyessanı cırçı Salawat, Xäniä Färxi, Alsu Xisamieva, Gölnara Timercanova häm başqalar uynıylar.

Rimzil Wäli, Qazan
XS
SM
MD
LG