Pekin. Bügen biregä, Qıtay citäkçeläre belän, Tönyaq Koreäneñ atom programması häm anıñ tiräsendä kilep tuğan kiyerenkelekne beteru yulların ezläw turında söyläşülär öçen, Könyaq Koreäneñ maxsus wäkile kilde. Şuşı wäkil, ilneñ tışqı eşlär ministrı urınbasarı Lee Tae-Shik, Pekinne, atom programmasınnan waz kiçterü öçen Tönyaq Koreägä qatıraq basım yasawğa öndärgä teli. Qıtay kommunistik Tönyaq Koreäneñ küptänge häm yaqın berektäşe dip sanala. Pxenyandağı citäkçelek, üz atom qoralın citeşterügä sälätle programmasın yañartırğa bulğan ide, bu atnada ul Berläşkän Millätlärneñ üzendäge küzätüçelären ildän quwıp çığardı. Kiçä Quşma Ştatlar prezidentı George Bush, Tönyaq Koreä tiräsendäge kiyerenkelekkä diplomatik çişeleş tabılır digän ömet beldergän ide.
