Qabul. Äfğanstannıñ elekke prezidentı Borhanetdin Rabbani, Hirat şähärendäge ber cirle basmağa, üze citäklägän Cämiat-I-islami partiäseneñ, kiläse prezident saylawlarına ayırım nämzät çığaraçağın xäbär itte. Şuşı saylawlar Äfğanstanda 2004-nçe yılnıñ yünendä uzarğa tieş. Rabbani alayda, şul nämzätneñ kem bulasın äytmäde. Ul barı tik, Cämiat-I-islamineñ Äfğanstan tormışında zur urın totuwın belderde, häm ul saylawlarda qatnaşaçaq dide. Rabbani ilne, 1992-dän alıp, xakimiatkä taliplär kilgänçe citäklägän ide. Bıltır uzğan Loya Cirğada da ul ilneñ yaña prezidentı itep saylanırğa telägän ide, läkin soñraq, xäzerge prezident Xämid Qarzaigä yul açu öçen ül bu niyätennän waz kiçte. Bügenge köndä Borhanetdin Rabbani Hirat wilayäte xakime bulıp tora.
