Accessibility links

Pakstannıñ Tönyaq-Könbatış wilayäte parlamentı Quşma Ştatlarnıñ äfğan çigendäge bombalawın xökem itä


Peşawar. Pakstannıñ Tönyaq-Könbatış çik buyı wilayäte parlamentı, bügen üzeneñ utırışına cıyılıp, Quşma Ştatlarnıñ äfğan-Pakstan çigendäge bombalawın xökem itep çıqtı. Amerikan xärbiläre, Pakstan çik saqçısı kiemendäge ber keşene ezärleklägän çaqta yäkşämbe könne üzläreneñ, Äfğanstannıñ Pakstan belän çigendä ber bomba taşlawın beldergän ide. Şul ezärleklängän keşe Quşma Ştatlar xärbilärenä ut açıp, alarnıñ bersen yaralağan bulğan. Çikneñ Pakstan yağında yäşägän keşelär süzlärenä qarağanda, anda ike bomba taşlanğan, häm şularnıñ berse, Pakstan yağındağı, taşlandıq ber dini mäktäp binasına eläkkän. Tönyaq-Könbatış çik buyı wilayäteneñ parlamentı şuşı xällärne, Pakstannıñ suverenlıq wä möstäqillegenä höcüm dip bäyäläde, häm federal xökümätne, Pakstan hawa kiñlegen bozuwı öçen Quşma Ştatlarğa protest belderergä çaqırdı.
XS
SM
MD
LG