Kiçä Quşma Ştatlar çüllärdä suğışu öçen äzerlängän 15 meñlek cir öste ğäskärlären Farsı qultığına cibärü turında färman çığuı iğlan itte. Bu töbäktä moñarçı da Amerikanıñ 65 meñ keşelek ğäskärläre bar ide. Aziz BMO tikşerüçeläre üzläre telägän barlıq urınnarnı da qaradı häm kiläçäktä dä şundıy uq mömkinleklärgä iä bulaçaq dide. Aziz qoral tikşerüçelär Ğiraqta küpläp üterü qoralları tapmadı dide. “Bu imperialistik Amerikan plannarı Ğiraqqa ğına, Ğäräp illärenä genä tügel, ä barlıq dönyağa zur qurqınıç tudıra” dide Aziz. Bügen qoral tikşerüçelär Ğiraqnıñ üzäk öleşendä berniçä urınnı, şul isäptän ber basmaxanäne häm raketalar saqlaw urının qaradı. Kiçä qoral tikşerüçelär üz eşçänleklären tağın da kiñäytü öçen boralaqlar qullanaçaqların iğlan itte.
