Accessibility links

җомга, 9 декабрь 2016, Казан вакыты 05:04

Äfğan çik saqçıları Paqstan-Äfğän çigendä 300-dän artıq raketanı qulğa aldı.


Äfğänstannıñ könçığışındağı Nangarar töbägeneñ çik saqçıları başlığı Polkovnik Säyet Raxman Äfğänstan belän Paqstannı totaştıruçı yulda BM-12 raketaları taşuçı 4 keşe totıldı dide. Raxman äytüençä bu keşelär 330 raketa töyägän atlar häm işäklär qärwanı belän bergä totılğan. Ul Äfğän xakimiätläre xäzer bu keşelärneñ kemnär buluın häm raketalarnıñ kemgä alıp barıluın açıqlarğa tırışa dide. Äfğänstanda Taliban xakimiäte cimerelügä ber yıldan artıq waqıt uzsa da ilneñ könçığış öleşendä tulısınça tınıçlıq urnaşmağan. Biredä AQŞ xärbi kizülärenä qarşı daimi räweştä höcümnär oyıştırıla. Taliban häm Äl-Qaidä äğzalarınıñ Paqstanğa qaçu yulın kisü öçen Paqstan çik buyına distälärçä meñ xärbi urnaştırsa da Paqstanda yäşäwçe qayber paştunnar Talibanğa teläktäşlek belderüne däwam itä.

XS
SM
MD
LG