Accessibility links

Кайнар хәбәр

Bөtendөnya başqort qorıltayı Tatarstan belәn yaŋadan duslıq küperen tөzerğә uylıy


Başqortstanda 2nçe ğınvarda Rusiә Prezidentı Vladimir Putinnıŋ kilüwen kөttelәr. Bu rәsmi bulmağan sәfәr xaqında mәğlümәt bik әz birelsә dә, Rusiә citәkçeseneŋ tawdan çaŋğı şuyarğa cienuwı mәğlüm. Respublikanıŋ tөrmışında bulğan qayğılı waqıyğalar da onıtılmıy, 60 Başqortstan keşeseneŋ ülemenә kiterğәn Tu-154 oçqıçınıŋ yul qazasına yartı yıl tula. Pәnceşәmbe kөnne Badenwürtenberg federal cirennәn, hәlakәttәn sөŋ yәrdәm kürsәtkәn, alman keşelәre Ufağa kilde. Alar arasında yaŋğın sünderüçelәr, politsiә xezmәtkәre, tabiplar, ğadi alman keşelәre, mәğlümәt çaraları wәkillәre bar. Qunaqlar respublika tormışı belәn tanışıp, Başqortstannıŋ sanatoriәlәrendә sәlәmәtlegen nığıta alaçaq. Bөtendөnya başqort qorıltayı milli respublikalarğa yanıy torğan kurqınıçqa qarşı toru өçen Tatarstan belәn yaŋadan duslıq küperen tөzәerğә uylıy. Bu xaqta "Azatlıq" radiosı xәbәrçesenә qorıltay rәise belderde.

Irşat Telәwmbәtov, Ufa.
XS
SM
MD
LG