Accessibility links

чәршәмбе, 7 декабрь 2016, Казан вакыты 11:37

Sergey Kirienko: Tatarstannıñ 2002 yılda iñ zur qazanışı -- Kama aşa küper


Şulay itep, kötep alğan Yaña yıl da citte. Telägän teläklärne, quyğan maqsatlarnı tormışqa aşırası bar. Säyäsätçelär uzğan yıl Tatarstanda şulay küp kenä teläklär, küp kenä maqsatlar tormışqa aştı, dip sanıylar. İdelbuyı federal' okrug citäkçese Sergey Kirienko Tatarstannıñ uzğan yılğı iñ zur uñışı dip Kama aşa küper salunı atadı. Mintimer Şäymiev Kama aşa salınğan küperneñ Rusiädä ürnäge yuq, dide. Şulay uq uzğan yıl tulayım gazofikatsiäläü programması tormışqa aştı. Monıñ belän Tatarstan şulay uq Rusiädä berençe urın tota. Tuzğan toraq programması 2002 yılda şulay uq üz cayı belän bardı. Gärçä Rusiäneñ berdäm salım qırına kergännän soñ küp kenä eşmäkärlär tuzğan toraq salımınnan baş tartsalar da. Uzğan yıl Tatarstanda 1.5 million kvadrat metr toraq mäydanı ekspluatatsiägä, yäğni xucalarına tapşırıldı. Toraq tözü buyınça da Tatarstan, xätta, Mäskäw kebek şähärlärne dä isäpkä alıp, 2-3 urınnarda tora ikän. Ğomumän, Tatarstan federatsiäneñ ere subyektları arasında sotsial'-iqtisadi xäle torışı belän liderlar rätendä yöri. 2003 yılnıñ 1 ğinwarına respublikada xezmät xaqı urtaça 4.000 sumğa citkän.

XS
SM
MD
LG