Accessibility links

җомга, 9 декабрь 2016, Казан вакыты 12:45

Evropada xezmәttәşlek hәm iminlek oyışması Rusiәdәn Çeçnәdә eşlәw rөxsәten sөrıy


Evropada xezmәttәşlek hәm iminlek oyışmasına bulışlıq itüçe tөrkem Çeçenәdәğı eşen yaŋadan başlarga tieş. Rusiә Prezidentı qarşındağı keşe xoquqları komissiәse citәkçese Ella Pamfilova "Әxo Moskvı" radiosında çığış yasap, bügen menә şundıy belderü yasadı. Belğәneğezçә, Evropada xezmәttәşlek hәm iminlek oyışmasınıŋ mөtdәte ozaytılmaw sәbәple, ul Çeçnәdәğe eşçәnlegen 31 dikaberdә tuqtatqan ide. Rusiәneŋ tışqı eşlәr ministrı bu oyışmanıŋ mөtdәten ozaytırğa telәmәde. Tışqı eşlәr ministrılığınıŋ wәkile Igor Yakovenko yaŋa yıl aldınnan çığış yasap, bu qarar Rusiәneŋ Evropada xezmәttәşlek hәm iminlek oyışması belәn Çeçnyә mәsәlәsendә xezmәttәşlekne tutqtatuwın aŋlatmıy, dip belderde. Bügen, şulay uk Evropada xezmәttәşlek hәm iminlek oyışması belәn citәkçeselek itüçe, Holandiә, oyışmağa Çeçnәdә eşlәw rөsәten sөrap, Rusiәğә mөrәcәğәt itәrğә cienüwın belderde. Holand tışqı eşlәr ministrı Jaap de Hoop şul xaqta sөylәşer өçen üzeneŋ Rusiәdәge kollegası Igor Ivanov belәn elemtәğә kereçәgen әytte.

XS
SM
MD
LG