Accessibility links

пәнҗешәмбе, 8 декабрь 2016, Казан вакыты 01:14

Mäskäw häm Seulda Tönyaq Koreanıñ atom programması turında söyläşülär bara


Könyaq Korea Tışqı Eşlär ministrı urınbasarı Kim Hang-kyung Rusiä räsmiläre belän Tönyaq Koreanıñ atom programması turında söyläşülär alıp baru öçen Mäskäwgä kilde. Ul Rusiä Tışqı Eşlär ministrı urınbasarları Aleksandr Losyukov häm Georgi Mamedov belän oçraşa. Kim, Koreanıñ ikese belän dä yaxşı mönäsäbättä bulğan Rusiä bu mäsäläne xäl itüdä töp rol uynar, digän ömeten äytte.

Küptän tügel räsmi Pxenyan 1994-nçe yılda tuñdırılğan atom programmasın yañartıp cibärüen beldergän ide.

Bügen Seulda Könyaq Korea Tışqı eşälär ministrı urınbasarı Li De-Sik häm Amerikan ilçese urınbasarı Evans Rovere Pxenyanğa basım yasaw yulların tikşerde. Kiläse atnada Waşingtonda Quşma Ştatlar, Könyaq Korea häm Yaponiä qatnaşında, Tönyaq Korea mäsäläsendä oçraşu ütäçäk.

Ul arada räsmi Pxenyan Quşma Ştalarnı Tönyaq Korea tiräsendä şaw-şu quptaruda ğäyepläde. Räsmi xäbärlär agentlığı belderüendä äytelgänçä, älege krizis kötelmägän näticälärgä kiterergä mömkin.

XS
SM
MD
LG