Accessibility links

дүшәмбе, 5 декабрь 2016, Казан вакыты 23:45

Tacıqstan-Qırğızıstan çigendä çualışlar


Qırğızıstannıñ Batkän töbäge citäkçese Mamat Aybalaev Qırğız-Taciq çigendä bulğan xällär öçen Tacıqstan separatisların ğäyepläde. Kiçä Tacıqstannıñ Vorux töbägennän 300 çaması keşe kilep Qırğızıstan belän Tacıqstan arasındağı çiktä yaña tözelgän tikşerü postın cimerep kitkän. Moña cawap itep Qırğızstannıñ Aq-Say awılınnan 100-läp keşe Tacıqstan yağına çığıp andağı postnı cimergän häm berniçä maşinanı äyländergän. Qorbannar turında xäbär itelmi. İke respublikanıñ tärtip saqlaw oyışmaları wazğiätne üz qulına alğan dielä.

Batkän citäkçese Mamat Aybalaev Azatlıqqa birgän äñgämäsendä, bu xäl öçen Tacıqstan keşeläre cawaplı dide:

Audio

Qırğızlar ul postnı alırğa tieş ide, çönki Tacıqlar anı qanunsız räweştä urnaştırdı, di Mamat. Bu alarnıñ cire tügel, bu - bäxäsle cir. Anda post quymasqa, iqtisadi eşçänlek alıp barmasqa digän urtaq kileşü bar. Tacıq xökümäte tügel, ä Tacıqstannıñ qayber separatisları wazğiätne qızdırırğa teli.

Tacıq häm Qırğız räsmiläre uzğan ayda şuşı mäsälädä söyläşülär ütkärgän ide.

XS
SM
MD
LG