Accessibility links

шимбә, 3 декабрь 2016, Казан вакыты 07:48

Ğiraqta qoral tikşerüläre bügen dä däwam itte


Berläşkän Millätlär Oyışmasınıñ qoral inspektorları ilneñ iñ zur ikençe şähäre bulğan Basra’da , tönyaqtağı Mosul şähärendä häm Bağdad tiräsendä tikşerülärne däwam itte. Ğiraq räsmiläreneñ süzlärenä qarağanda tikeşrüçelär 5 törkemgä bülengän.

İnspektorlar Ğiraqnıñ qoral kontrol itü idaräsendä bügen kötelmägän tikşerülär ütkärde. Eçkä kergäç tä inspektorlar kerü-çığularnı buldırmas öçen işek-qapqalarnı yabıp quyğan dip xäbär itelde. Şul waqıtta inspektorlar arasında Ğiraqnıñ Berläşkän Millätlär Oyışmasındağı wäkile Mohammed al-Duri da bulğan. Tikşerüçelär üz eşlären tämamlağançı al-Duri’nıñ xäräkät itü mömkinlege dö çiklängän bulğan. Berläşkän Millätlär Oyışmasınıñ 1441nçe rezolyutsiäse qoral inspektorlarına tikşerülär waqıtında obyekta barğan böten eşlärne tuqtatıp torırğa wäkälätlär birä.

XS
SM
MD
LG