Accessibility links

дүшәмбе, 5 декабрь 2016, Казан вакыты 17:37

Raştua bäyräme – Tatarstanda yal köne


Adäm ışanmas, yaña 2003 yılnıñ berençe atnası tämamlanıp kilä. Haman da, şul bäyräm itü, Yaña yıl qarşılaw, xäl citkän qädär sıylanu. Nindider säyäsi yäki iqtisadi üzgäreşlär mondıy waqıtta bula almıy. Barı tik yal, bäyräm, sıylanu häm baş tözätü. Şimbä-yäkşämbe könnärendä räsmi oyışmalarda eşläwçelär xezmät urınnarında buldı. Anıñ qarawı düşämbe häm sişämbe könnäre yal dip iğlan itelgän. Çönki 7 ğinwar Raştua köne, pravoslav dinen totuçılar belän bergä böten Tatarstan da bäyräm itä. Tatarstanda xristiannar az tügel, üz millättäşlärebez arasında da şuşı din yulınnan baruçılar berniçä meñ dip sanala. Şuña kürä düşämbe häm bigräk tä sişämbe könnärendä keräşen tatarlarınıñ ğöref-ğädätläre, dini yolaları turında kübräk söyläw döres bulır. Mäcüsilek zamannarınnan qalğan Narduğan bäyrämnäre dä xalqıbıznıñ küptänge ğörefe. Tatar xristiannarı häm pravoslav dinen totuçılarnıñ Raştuası turında sişämbe tapşıruında kübräk söylärbez, ä 5 ğinwar könne Tatarstan prezidentı Mintimer Şäymiev Qazan häm Tatarstan arxiepiskopı Anastasiy vladıka häm başqa pravoslav ruxaniları belän oçraştı. Arxiepiskop Anastasiy xristiannarnıñ keşelärgä märxämät kürsätep şatlıq kiçerüläre turında äytte. Bu söyläşüdä Tatarstan xristiannarnıñ tormışı turında fiker alıştılar. Raştua bäyrämenä qädär Çallıdağı çirkäw tözü mäs’äläsenä açıqlıq kertü, bigräk tä urınlı waqiğa bulıp çıqtı. Ber yaqtan qarasañ, Ciñü parkındağı ul tartqalaş qayçandır çirkäw tözü öçen cirne döres itep bülep birmäw arqasında kilep çıqqan ikän.

XS
SM
MD
LG