Accessibility links

сишәмбе, 6 декабрь 2016, Казан вакыты 11:08

İzrael fälästin delegatsisen London cıyılışına cibärmäü turında qarar qabul itte


Tel-Avivdä 22 izraelleneñ häläk bulğan 100dän artıq keşeneñ yaralanğan terror ğämälennän soñ İzrael , fälästin wäkilçelegeneñ Londonda premier T.Blair ximäyäsendä fälästin reformaları turındağı söyläşülärgä baruın tıydı. Britanie räsmiläre bu qararnı kisken tänqitläp çıqsalar , Quşma Ştatları İzraelneñ bu adımına qızğanıç belderde.

Yäkşämbedä Tel-Avivdä küpläp keşeneñ üleme häm yaralanuına qarata İzrael Gaza sızığında tank, boralaqlar belän cavap qaytardı. Ul şulayuq düşämbedä 3 fälästin universitetın yabarğa quştı , atnakiçtä fälästin konstitutsie proyektın qarıyaçaq fälästin üzäk şurasınıñ cıyılıun tıydı , sişämbedä ul 35tän yäşräk fälästinnärneñ Könbatış Üzäne häm Gazadan kitüen şulayuq Fälästin citäkçelärenäñ Fälästin territoriese eçendä irekle räweştä xäräkäten tıydı häm fälästin wäkilçelegeneñ Londonğa baruın tuqtataçaq dip belderde. İzraelneñ xärbi , diplomatik ölkädäge bu aktivlığı 10ay elek şunduyuq terror ğämälenä qaytarğan cavap belän çağıştırılğanda bik çiklängän bulıp kürenä. 10ay elek fälästinle terrorçı 29keşene ütergäç, İzrael Könbatış Yarında bik zur külämle xärbi operatsie oyıştırğan, şiklänelgän yözlärçä fälästinlene qulğa alğan häm Arafatnıñ Ramalladağı yortın 34kön qamau astında totqan ide. Britanie premiere T.Blair Fälästin citäkçelären bik kiräkle bulğan reformalarnı söyläşü öçen Londonğa çaqırdı. Mäğlüm ki Fälästin oyışma , institutları effektiv räweştä eşlämi, rişwätçelek kin cäyelgän. Blair töbäktäge başqa qayber illärne şulayuq diplomatik kuartet dip yöretelgän AQŞ, Russie , Yevropa Berlege häm BMOsı wäkillären däğwät itte. Bu aradaşçılar 27aydan birle däwam itkän konfliktnı çişergä tırışa. Britanie tışqı eşlär ministırı Straw İzraeldäge bombalaunı kisken süzlär belän xökem itep, qorbannarnıñ ğailälärenä qayğı urtaqlaşu kündermäläre cibärsä dä, ul İzraelneñ fälästin citäkçelegen Londonğa cibärmäü qararın yañadan uylarğa çaqırdı. Straw İzraelle kollegası Netanyahunıñ fikren üzgärtä almağan. Daily Telegraph gazetası yazuınça Netanyahu Britaniene, prezident G.Bushnıñ terrorğa kompromis yasağan citäkçelär tınıçlıq partnörı bula almıy digän pozitsiesen qabul itergä çaqırğan. Häm sez Britaniedä näk kiresen eşlisez digän. Straw yuq İzrael kiresen eşli ul terror belän nıqlap eş itäse urınğa Fälästin delegatsiesenä höcüm itä dip äytkän dip yaza D.Telegraph. Premier Blair ütkän ayda yuğarıda äytep kitkän wäkilçeleklärne Londonğa cıyılışqa däğwät itkän ide. Küzätüçelär nigezdä cıyın Ğıyraq suğışı bula qalsa , ğäräb cämäğätçelegenä uñay täsir yasau mäqsatınnan çığıp oyıştırıldı dip äytä. Yevropa Berlegeneñ tışqı mäsälälär komissarı Chris Patten Fälästin delegatsiese turındağı qararın yañadan qarap çığarğa çaqrığan. Kiläse atnada Londonda bulaçaq cıyılışnıñ yazmışı bilgele tügel Düşämbedä Misır Londonnnan cıyınğa räsmi däğwät kilgänen belderde. Britanie fälästinnärneñ cibärelüe öçen basım yasasa, Waşington , İzraelne açıqtan açıq tänqitlämäskä buldı. Däwlät sekretarı Colin Powell kollegası B.Netanyahuğa qızğanıç belderep, AQŞnıñ Fälästin reformalarına zur ähämiät birüenä basım yasağan. Aqyort süzçese dä İzraelneñ fälästinnär turındağı qararın tänqitläüdän totılıp qalıp , prezident Bushnıñ İzraelneñ üzen törle yullar belän yaqlarğa xoquqı bar digän pozitsiesen qabatlağan. Fälästinnär qatnaştırılmağan cıyın ütkäreläçäkme ,kiçektereläçäkme bu turıda Britaniedän qatğıy xabär işetelmäde älegä

Färidä Xämit, Praga
XS
SM
MD
LG