Accessibility links

чәршәмбе, 7 декабрь 2016, Казан вакыты 11:49

Qazanğa Devis kuboğı kilä


Bäyräm könnärendä dä eşlägän qayber räsmi mäğlümat çaralarınnan kilgän xäbärlärdän 11 ğinwarda Qazanğa küptän tügel Parijda Rusiäneñ tennis cıyılma komandası yawlap alğan Devis kuboğı kitereläçäk digäne küzgä taşlana. Mäğlüm ki, älege kubok Rusiädä ber yıl saqlanaçaq. Häm şuşı däwerdä anı berniçä şähärgä alıp barıp kürsätü farazlana ikän. Ä inde Devis kuboğınıñ berençelärdän bulıp Qazanğa kilüe – millättäşebez, Rusiäneñ tennis assotsiatsiäse prezidentı Şamil Tarpişçev başlanğıçı. Şulay itep, Devis kuboğı tarixında täwge märtäbä 11 ğinwarda Qazanğa kiläçäk. Kubok başta “Aq bars” yäşlär üzägendä kürsäteläçäk häm monda qısqa ğına matbuğat oçraşuı küzallana. Ä şimbä kön kiç belän “Aq bars” häm ЦСКА xokkey komandaları arasındağı matç waqıtında kubok sport sarayında cämäğätçelek küz aldına çığarılaçaq.

XS
SM
MD
LG