Accessibility links

сишәмбе, 6 декабрь 2016, Казан вакыты 03:45

Qazanda bäyräm könnärendä bulğan kriminal' waqiğa häm anıñ däwamı


Raştua bäyräme könne şundıyraq xälne Qazan uramnarında küzätergä turı kilde. Şähär transportı tuqtalışında torğan ber törkem keşelär yanına militsiä patrule maşinası kilep tuqtadı. Annan töşkän kamuflyaj kiemendäge militsioner başqa keşelärne aralar uzıp, turı ber ir keşene qultıqlap maşinağa österi başladı. Bäyräm könne tik torğan keşegä nigä şulay itälär ikän digän uydan soñ, küptän tügel www.intertat.ru säxifäsendä uqığan ber xäbär iskä kilep töşte. Kirov rayonında fatirda toruçı bazarda satu itüçe 7 azärbäycan keşesen qıynap çıqqannar. Ber versiä - bu kriminal añlaşu, ikençese – küptän tügel ber törkem azärbäycanlılar militsiä patrulenä höcüm itkännär. Xäzer militsiä Qazan bazarlarında satu-alu belän şöğellänüçe azärbäycannarnı barlıy. Tuqtalışta militsiä xezmätkäre qultıqlap alğan tege ir keşe näq menä äytkändäy, “лицо кавказской национальности”, yäğni Kavkazda yäşäwçe xalıqlar çıraylı ide.

Menä şulay, real' tormışta milli mäs'älälärdä yasalğan xatalarnı, “лица кавказской национальности” digän töşençälär kertüne, tatarnı mongol belän, İslamnı terror belän butawnı üz faydalarında qullanuçılar tabıla tora.

Yunıs Ätnäle

XS
SM
MD
LG