Şartlaw nәticәsendә 72 keşe hәlak buldı, 210nı – yaralandı. Dәwlәttәn sawığu өçen birelә torğan akçanıŋ külәme, alğan cәrәhәtlәrneŋ awırlığına qarap bilgelәnә. Ciŋelçә genә zian kürğәnnәrğә – 15-şәr meŋ, awır cәrәhәt alğan keşelәrğә - 50-şәr meŋ süz birәçәklәr. Hәlak buluçılarnıŋ tuğannarına 100 meŋ süm tülәrğә tieşlәr. Şul arada Inguşetiәğәge Karabulak şәhәrendә Respublika eçke eşlәr ministrlığınıŋ yul-patrul xezmәtennәn ike keşe üterelde. Şulay uk Inguşetiәneŋ başqa ber rayonında çeçen keşese Visadi Şakirov qulğa alındı. Ul ütkәn yılnıŋ cәyendә Nadtereçnıŋ rayonı başlığı Әxmәt Zavgaevnı üterüdә ğәyeplәnelә. Cirle xaqimiәtlәr belderğәnçә, ul qaçaqlarnıŋ çatır lagerında yәşerenep yatqan.
