Accessibility links

шимбә, 10 декабрь 2016, Казан вакыты 04:10

Prezident G.Bush AQŞ iqtisadın üsterü mäqsatında salımnarnı qısqartırğa täğdim itte


Prezident George Bush kongressnı 674milliard dollarlıq federal salım paketın raslap amerikan iqtisadın nığıtırğa çaqırdı. Bush sişämbedä Chicagoda yasağan çığışında törle salımnarnı kimetü turındağı plannarın açıqladı. Opozitsiedäge Demokratlar partiäse Bush plannarı baylarnıñ ğına mänfäğätläremä turı kilä dip añı tänqitläp çıqtı.

Yañadan saylanunı häm atasınıñ yasağan politik xatalarnı küzdä totıp , prezident Bush kiläse 10yılda salımnarnı 674 milliard dollar belän kimetü plannarın açıqladı. Amerikanıñ Farsı Qultığında suğışqa äzerlängän waqıtta salımnarnı tağı da kimetü qayber iqtisadçılarnı şaqqattrıdı. Prezident Chicago Ekonomi klubınınıñ çaqırğan 2300 eşquar häm şirkät xucaları aldında yasağan çığışında bolay dide: Waşington DC dän torıp iqtisad belän idarä yäki anı kontrol itü xökümätneñ eşe tügel., ämma ekonomikanıñ tizräk üsüe öçen kirtälärne yuq itü bezneñ eş. Häm bu kirtälär bilgele. Bush iqtisadıbız köçle, qayber kisätü işaräläre kürenä, min alarnı çitkä qağırğa telämim häm kongress ta şulay eşlär dip ömetlänem dide . Prezident ekonomika turındağı plannnarın ilneñ vazğiäte turında yılsayın yasalğan çığıştan 3 atna elek açıqladı. İlneñ vazğiäte turındağı notıqta Bush terrorzim häm potensial Ğıyraq suğışı turında söyliäçäk dip kötelä. Bush planınıñ üzägendä şirkät xissädarlarınıñ federal xökümätkä tülägän divident salımnarın beterü tora. Bush şirkätlärneñ tabıştan salım tüläw häm birja dividentlarınnan salım tüläwe ğädel tügel dip äytep ike märtäbä salım alunı beterü yaqınça 35 million amerikanlınıñ kesäsendä kübräk aqça qaldıraçaq, alar bu aqçanı sarıf itäçäk , investitsiäliçäk , şulay itep bıyıl xosusi ekonomiqağa 20milliard dollar qaytaçaq dip söyläde . Bush planında parlarnıñ balalı ğailälärneñ salımnarın qısqartu , eşsezlek aqçaları , keçkenä käsepxänälärneñ yaña cihaz ,eş qoralları aluları öçen etärgeçlär qaralğan. Prezidentnıñ ekonomik kiñäşçeläre bu paket kiläse 3 yılda 2millionnan artıq yaña eş urını buldıruğa yardäm itäçäk dip uylıy. Ämma prezidentnıñ bu plannarı opozitsiedäge demokratlar tarafınnan şunduq tänqitlänä başladı. Alar paketnıñ zur öleşe baylarnı küzdä totıp äzerlängän dip äytte. Demokratlarnıñ 2004nçe yılda prezident namzäte bulaçaq dip kötelgän senator Joseph Liebermen , Bush planıñ ışanıçsız, täsirsez , ideologiene küzdä totqan teläklär isemlege dip bäyäläde. Senatta azçılıqnıñ( demokratlarnıñ) citäkçese Tom Daschle süzlärençä, Bushnıñ stimul planında stimul yuq häm ikençedän ul ğädel tügel .Prezidentnıñ salımnarnı qısqartu planına qarasağız , yılına ber million dollar eşläüçelärneñ salımı 24meñ dollar belän qısqara . Ämma ägär dä sezneñ yıllıq xezmät xaqığız 40 belän 50meñ dollar arasında bulsa sez 76 dollar ğına alaçaqsız. Bu tigezsezlekne beräü yaqlar dip küz aldına kiterä a ñ atasınnan sabaq alıp il suğışqa äzerlängän waqıtta eçke frontta da inisiativa kürsätep , aqrınayğan ekonomikanı canladıru öçen täqdim itkän çaralarına qayber iqtisadçılar şik belän qarıy. Bu plan bik zur defitsitkä säbäp bulıp qısqa möddättä iqtisadqa etärgeç bula almau belän täväkkellek itä. Salomon Smith barney şirkäte diretorı Robert Di clemente Ğıyraq suğışınıñ amerikan ekonomikasına yasıy alaçaq potensial täsiren tikşergän. Ul Bush administratsiese närsä genä täqdim itmäsen , Ğıyraq östendäge bolıtlarnı quıp taratsan , ekonomikanıñ üsüe öçen suqmaq açılğan bulaçaq , älege mizgeldä üsü öçen in zur kirtä suğış qurqınıçı dip äytä.

Färidä Xämit, Praga
XS
SM
MD
LG