Accessibility links

җомга, 9 декабрь 2016, Казан вакыты 07:02

Ğiraq häm Küwäyt räsmiläre 1990-nçı 91-nçe yıllarda Ğiraq Küwäytne basıp alğan çağında yuğalğan 600-dän artıq keşeneñ yazmışı turında söyläşülärne yañarttı.


1999-nçı yılda Ğiraq, söyläşülärdä AQŞ räsmiläreneñ dä qatnaşuına rizasızlıq belderep, bu söyläşülärdän baş tartqan ide. Bügen İordaniä başqalası Ammanda bu söyläşülärneñ yañartıluın Xalıqara Qızıl Xaç oyışması xuplap çıqtı. Qızıl Xaç wäkile Mu’in Kassis bu söyläşülärne bik konstruktiv, uñay dip bäyäläde häm taraflar 22-nçe ğinwarda tağın oçraşırğa buldılar dide. Küwäyt Ğiraq okkupatsiä çorında yuğalğan 600-dän artıq keşeneñ yazmışı öçen cawap birergä tieş dip belderä. Ğiraq isä bezdä andıy totqarlanuçılar yuq dip täqrarlıy. Ğiraq Küwäyttän Farsı qultığı çorında yuğalğan meñnän artıq keşeneñ yazmışı öçen cawap birüne taläp itä.

XS
SM
MD
LG