Accessibility links

сишәмбе, 6 декабрь 2016, Казан вакыты 22:55

Yaña yıl häm Raştua bäyrämnärennän soñ Tatarstanda eşkä çıqtılar


İke atnağa diärlek suzılğan yallardan soñ Tatarstan, nihayät, eşkä kereşte. Yaña yıl, raştua bäyrämnäre ütte, inde tämam bäyräm, yal itärgä öyränep bettek digändä genä, eşlärgä dä waqıt citte. Xalıq telämiçä genä bulsa da, xezmätkä kereşte. Xäyer, bu äle Yaña yıl bäyrämnäre tämam digän süz tügel. Bäyrämnärne artıq yaratqanğadır inde, rusiälelär belän berrättän tatarstanlılar da 13 ğinwar könne iskeçä Yaña yılnı qarşılarğa äzerlänä. Bu bäyräm räsmi räweştä bilgelänep ütelmi, ul könne berkem dä yal itmi. Şuña da qaramastan, ul xalıqnıñ bik yaratqan bäyräme. Läkin bäyrämnär inde tögällänep kilsä dä, ällä respublikada hawa torışı tağın bik salqın bulğanğa (bügen tönlä Qazanda 30-dan artıq salqın ide), ällä yal itärgä öyrängängä, Tatarstanda bügen ällä ni zur waqiğalar bulmadı. Alay da, qayber iğtibarğa layıqlı çaralar turında äytep ütärgä bula.

XS
SM
MD
LG