Accessibility links

якшәмбе, 4 декабрь 2016, Казан вакыты 19:31

Yugoslaviäneñ elekke prezidentı Slobodan Miloşeviç eşe qaraluçı mäxkamä utırışı 3 atnalıq tänäfestän soñ bügen yañartıldı.


1990-nçı yıllarda Balkanda suğış cinayätläre qıluda ğäyeplänüçe Miloşeviç mäxkamädä üz-üzen yaqlıy. Xäzer mäxkamädä 1991-nçe 95-nçı yıllarda Serblarnıñ Xorvatiädä häm Bosniädä qılğan wäxşileklärenä bäyle ğäyepläwlär qarala. Bügen mäxkamä Qızıl Beretlar dip atalğan yarımxärbi törkem äğzasınıñ çığışın tıñladı. Bu törkem Xorvatiä, Bosniä häm Kosovodağı suğışlarda ayıruça räximsez buluı belän mäğlüm. Älege şahitneñ iseme atalmıyça ul K-2 dip kenä telgä alına. Anıñ äytüençä, bu törkem suğış çorındağı Miloşeviç xakimiätenä turıdan-turı buysınğan bulğan. Mäxkamä eşeneñ Sentäbrdä tämamlanğan berençe öleşendä Serblarnıñ 1999-nçı yılda Kosovoda qılğan ğämälläre qaraldı.

XS
SM
MD
LG