Nurembergta urnaşqan Federal’ Xezmät İdaräse mäğlümätlärenä qarağanda, uzğan ayda Germaniädä eş ezläwçelär sanı 4 million 200 meñgä cittkän. Bu ildäge barlıq xezmät köçläreneñ 10.1 protsentı digän süz. 1997-nçe yılnıñ dikäbrennän birle eşsezlekneñ bu däräcägä kütärelgäne bulmadı. Noyäbr ayında eşsezlär sanı 4 millionnan az ğına artığraq, yäğni xezmät köçläreneñ 9.7 protsentın täşkil itä ide. Hönär berlekläre ilküläm eş taşlaw belän yanağannan soñ bügen Potsdamda büdjet xezmätkärläreneñ eş xaqın kütärü taläbe mäs’äläsen qaraw yañartıldı. 2 million 800 meñläp keşene üz eçenä alğan Verdi hönär berlege, ägär dä söyläşülärneñ bu öleşendä kileşügä ireşelmäsä, ozın möddätle eştaşlawğa äzer buluın belderde.
