Accessibility links

шимбә, 3 декабрь 2016, Казан вакыты 16:51

Fransiä tışqı eşlär ministrı Dominique de Villepin xalıqara cämäğätçelek Tönyaq Koreadağı atom nizağına diplomatik çişeleş tabu öçen xezmättäşlek itärgä tieş dip belderde.


Bu belderüen ul Pekiñda Qıtay Prezidentı Zän Zemin häm tışqı eşlär ministrı Tañ Caksuan belän oçraşudan soñ yasadı. De Villepin Tönyaq Korea üzeneñ şikle atom programmalarınnan baş tartırğa tieş dide häm bu mäs’älädä kompromiss bulmayaçaq dip östäde. Könyaq Korea äytüençä Pxenyan bu ayda Seul belän yuğarı däräcä söyläşülär ütkärügä rizalaşqan. Pxenyan üzeneñ atom reaktorın eşlätä başlağannan birle Tönyaq belän Könyaq Koreanıñ oçraşu ütkärgäne yuq ide. Yaponiä tışqı eşlär ministrı Yoriko Kawaguçi belän Russiä tışqı eşlär ministrı İgor İvanov telefon aşa söyläşep bu nizağqa tınıç çişeleş tabu öçen xezmättäşlek itärgä kileşte. De Villepin şulay uq, Fransiä, Qıtay häm Russiä Ğiraq mäs’äläse BMO İminlek Şurasında çişelergä tieş dip isäpli dide. Älege öç däwlät Quşma Ştatlarnıñ Ğiraqqa qarata beryaqlı ğına çaralar kürü mömkinlegenä qarşı çığıp, tınıç çişeleşkä çaqırıp kilä.

XS
SM
MD
LG