Accessibility links

шимбә, 10 декабрь 2016, Казан вакыты 06:08

Räfqät Altınbaev häm "Tormış" qotlawları


Bu könnärdä qazanlılar poçta ärcälärennän zatlı, qalın konvertlar aldı. Anıñ eçennän Yaña yıl qotlawları häm Rusiäneñ “Жизнь” (“Tormış”) firqäseneñ nizamnamäläre, programmaları çıqtı. Bezneñ respublikabızda älege partiä senator Räfqät Altınbaev iseme belän bäyle. Anıñ bayan kütärep tä, ğailäse belän dä, üze genä dä töşkän räsemnäre bäläkäy kalendarne bizäp toralar. Räfqät äfände respublika xalqın bäyrämnär belän qotlap, üze räistäş bulıp torğan firqäğä kerergä çaqıra.

Älbättä, bu zatlı qäğäz produksiäse anı näşer itüçelärgä baytaq aqçağa töşkänder. Räfqät äfände dönyanı yaxşı çamalıy torğan keşe bularaq, tiktomaldan aqçanı äräm-şäräm itär ideme? Dimäk ul monı säyäsi maqsatlardan çığıp başqarğan. Añlaşıla ki, alda saylawlar – yoqlap qalırğa yaramıy. Mäğlüm ki, Altınbaev, Tatarstanda bik tırışıp qarasa da, moña xätle uñışlarğa ireşä almağan ide. Läkin ottırular anıñ küñelen töşermägän axrısı. Närsä bu, ücätlekme, revanşmı, ällä üz köçenä nıq ışanumı? Yaqın arada bez monı açıqlarbız kebek.

XS
SM
MD
LG