Accessibility links

пәнҗешәмбе, 8 декабрь 2016, Казан вакыты 03:03

Milli säyäsät räsmie urınınnan kitä


Ber-işe xäbärlärgä qarağanda, Tatarstan prezidentı apparatınıñ millätara mönäsäbätlär bülege citäkçese İrina Terentyeva urının buşatqan. Bu xanım, tatarça belmäsä dä, ozaq yıllar milli xäräkätlär belän eş itte. Ni däräcädä uñışlı? - digän sorawğa ber süz belän genä cawap birep tä bulmıy.

Soñğı yıllarda äledän-äle çuan kebek tuıp torğan milli problemalarnı aldan küru, çişü, yä buldırmaw küzätelmäde. Alarnıñ qayçaqta Rusiä masştablarında rezonans aluı da änä şul bülekneñ häm anıñ citäkçeseneñ tieşle däräcädä eşläp betermäwe belän bäyle bulsa kiräk.

Xäzergä millätara bülekne waqıtlıça anıñ urınbasarı Roman Belyakov citäkli. ”Zvezda Povoljya” gazetası xäbär itkänçä, ul tarixçı, pravoslaviegä çın-çınlap inanuçı, monarxist ikän. Älbättä, tatarçası yuq. Ägär dä bu çınnan da şulay ikän, İrina Terentyeva üzeneñ eşen ışanıçlı qullarğa tapşırıp qaldırğan ikän.

XS
SM
MD
LG