Accessibility links

җомга, 9 декабрь 2016, Казан вакыты 20:38

Tönyaq Korea Atom qoralların taratmaw turındağı xalıqara kileşüdän kiçekmästän çığaçağın belderde.


Şul uq waqıtta Pxenyan, älege kileşüdän çıqsa da, atom qoralları yasarğa ciınmawı turında äytä. Xalıqara cämäğätçelek Pxenyannıñ älege qararın tänqitläp anı bu niätennän çigenergä çaqırdı. Yaponiä xökümäte wäkile Yasuo Fukuda “Tönyaq Koreanıñ mondıy yul saylawı bik tä qızğanıç häm bu bik tirän borçılu uyata, bez Tönyaq Koreanı kileşüdän çığu turındağı bu qararınnan baş tartırğa çaqırabız” dide. Şundıy borçılu belderülär Fransiä, Britaniä, Russiä, Qıtay häm Quşma Ştatlardan da işetelde AQŞ-nıñ bu mäs’älä belän şöğellänüçe yuğarı wäkile, Däwlät sekretare yardämçese John Bolton “bu ber dä kötelmägän qarar bulmadı, çönki Pxenyan moñarçı da ul kileşüne ütämi ide” dide. Bügen Bañkokta yasağan çığışında ul Waşington bu mäs’äläne diplomatik, tınıç yul belän çişärgä teli dip äytte. Kileşüdän çığuın iğlan itkännän soñ Tönyaq Korea Quşma Ştatlar belän suğış bulsa çiñep çığaçağı turında belderde. Tönyaq Koreanıñ räsmi xäbär agentlığı ber gazetadan “Korea yarımutrawındağı suğış Öçençe Bötendönya Suğışı bulaçaq” digän özemtäne tarattı.

XS
SM
MD
LG