Accessibility links

Кайнар хәбәр

BMO qoral tikşerüçeläre Ğiraqta küpläp üterü qoralları ezläwne däwam itä.


Kiçä qoral tikşerüçelär başlığı Hans Blix älegä Ğiraqta küpläp üterü qoralları programması buluın raslawçı dälillär tabılmadı dip belderde. Aq Yort süzçese Ari Fleischer tikşerülärne däwam itärgä kiräk, çönki haman da Ğiraq tıyılğan qorallarğa iä bulırğa oxşağan dide. BMOnıñ Atom Energetikası Agentlığı başlığı Möxämmät Äl Baraday bügen AQŞ räsmiläre belän oçraşıp Ğiraqnıñ küpläp üterü qoralları turında bulırğa mömkin mäğlümätlärne sorarğa ciına. Fransiäneñ “Le Monde” gazetında Yewropa Berlegeneñ tışqı säyäsät häm iminlek mäs’äläläre öçen cawaplı yuğarı wäkile Javier Solana Ğiraqta yäşeren qoral programmalarınıñ buluın raslawçı dälillär tabılmıy torıp aña qarşı xärbi köç qullanunı aqlaw qiın bulaçaq dide. Germaniä Kanslerı Gerhard Schroeder Germaniä Ğiraqnı qoralsızlandıru turındağı BMO rezolütsiäseneñ suğışsız ğına tormışqa aşırıluına ireşü öçen buldıra alğannıñ barısın da eşliäçäk dip belderde. Schroeder Germaniä ber xäldä dä Ğiraqqa qarşı xärbi çaralarğa quşılmayaçaq dide.
XS
SM
MD
LG