Tönyaq Korea bügen Yongbyondağı atom reaktorın ber-niçä atna eçendä eşlätä başlau mömkin dip belderde. Tönyaq Koreanıñ Berläşkän Millätlär Oyışması atom töş programmaların kontrol itü agentlığındağı wäkile Son Mun San Venada, reaktornı eşkä cigergä aylar tügel, ä ber-ike atna ğına kiräk, dide. Läkin Pxenyannıñ Austriädäge wäkile, diplomat Kim Gwang Sop, Tönyaq Korea, Amerika Quşma Ştatlarına, berläşmädä atom töş qoral citeşterelmägänen isbatlarğa mömkinlek birä ala, dide. Mondıy kileşü, räsmi Waşington Tönyaq Koreağa yanawın tuqtatqannan soñ yasalırğa mömkin, dip östäde Kim.
İnde xäbär itkänebezçä kiçä Tönyaq Korea atom qoralların cäyelderelmäw turındağı xalıqalara kileşüdän çığuın belderde. Bügen başqala Pxenyanda üz citäkçeläreneñ älege qararın xuplap millionnan artıq keşe uramnarğa çıqqan. Bu xaqta Tönyaqnıñ räsmi xäbärlär agentlığı xäbär itte.
Tönyaq Korea tiräsendäge tärräqiät belän bäyle tağın ber xäbärdä isä, Pxenyannıñ atom töş qoralı sınauların yañadan başlawına Amerika Quşma Ştatları säyäsäte säbäp buldı, dielä. Tönyaqnıñ Pekindağı ilçese Choe Jin Su, Tönyaq Korea säyäsäte –Quşma Ştatlarnıñ kiläçäktä nindi adımnar yasayaçağına bäyle, dip belderde.Bezneñ kiläçäktä nindi adımnar yasawıbız Quşma Ştatlarğa bäyle. Amerika üzeneñ bezgä qarşı bulğan säyäsäten tuqtatıp bezneñ ilgä sulış alırğa birsä, Tönyaq Korea bäysez tikşerülär yardämenä üzendä atom qoralı citeşterelmäwen Quşma Ştatlarğa isbatlıy alır ide, dide Pxenyannıñ Qıtaydağı wäkile Choe Jin Su.
Rusiä, Tönyaq Korea mäs’äläsen Berläşkän Millätlär Oyışmasınıñ İminlek Şurasına çığarırğa irtä äle dip sanıy. Tışqı eşlär ministrlığınıñ matbuğat wäkile Aleksandr Yakovenko, Tönyaq Koreanıñ atom programmaları tiräsendäge eşçänlegen häm qoral cäyelderü kileşüennän çığuın İminlek Şurası köntärtibenä çığaru-waqıtınnan alda bulaçaq, dide. Mäğlüm bulğança İminlek Şurasına Tönyaq Korea mäs’äläsen çığarunı, häm Pxenyanğa sanskiälär belderüne Quşma Ştatları täqdim itkän ide. Tönyaq Korea kiçä, üzenä qarata sanksiälär bilgeläwne suğış başlaunı iğlan itü kebek qabul itäçäk, dip belderde. Bügen Rusiä tışqı eşlär ministrı İgor İvanov, telefonda Quşma Ştatları, Qıtay, Fransiä häm Könyaq Korea wäkilläre belän söyläşkändä, Tönyaq Koreağa basım yasaudan häm yanaulardan tıyılırğa çaqırdı.
İnde xäbär itkänebezçä kiçä Tönyaq Korea atom qoralların cäyelderelmäw turındağı xalıqalara kileşüdän çığuın belderde. Bügen başqala Pxenyanda üz citäkçeläreneñ älege qararın xuplap millionnan artıq keşe uramnarğa çıqqan. Bu xaqta Tönyaqnıñ räsmi xäbärlär agentlığı xäbär itte.
Tönyaq Korea tiräsendäge tärräqiät belän bäyle tağın ber xäbärdä isä, Pxenyannıñ atom töş qoralı sınauların yañadan başlawına Amerika Quşma Ştatları säyäsäte säbäp buldı, dielä. Tönyaqnıñ Pekindağı ilçese Choe Jin Su, Tönyaq Korea säyäsäte –Quşma Ştatlarnıñ kiläçäktä nindi adımnar yasayaçağına bäyle, dip belderde.Bezneñ kiläçäktä nindi adımnar yasawıbız Quşma Ştatlarğa bäyle. Amerika üzeneñ bezgä qarşı bulğan säyäsäten tuqtatıp bezneñ ilgä sulış alırğa birsä, Tönyaq Korea bäysez tikşerülär yardämenä üzendä atom qoralı citeşterelmäwen Quşma Ştatlarğa isbatlıy alır ide, dide Pxenyannıñ Qıtaydağı wäkile Choe Jin Su.
Rusiä, Tönyaq Korea mäs’äläsen Berläşkän Millätlär Oyışmasınıñ İminlek Şurasına çığarırğa irtä äle dip sanıy. Tışqı eşlär ministrlığınıñ matbuğat wäkile Aleksandr Yakovenko, Tönyaq Koreanıñ atom programmaları tiräsendäge eşçänlegen häm qoral cäyelderü kileşüennän çığuın İminlek Şurası köntärtibenä çığaru-waqıtınnan alda bulaçaq, dide. Mäğlüm bulğança İminlek Şurasına Tönyaq Korea mäs’äläsen çığarunı, häm Pxenyanğa sanskiälär belderüne Quşma Ştatları täqdim itkän ide. Tönyaq Korea kiçä, üzenä qarata sanksiälär bilgeläwne suğış başlaunı iğlan itü kebek qabul itäçäk, dip belderde. Bügen Rusiä tışqı eşlär ministrı İgor İvanov, telefonda Quşma Ştatları, Qıtay, Fransiä häm Könyaq Korea wäkilläre belän söyläşkändä, Tönyaq Koreağa basım yasaudan häm yanaulardan tıyılırğa çaqırdı.
