Berläşkän Millätlär Oyışmasınıñ qoral inspektorları Ğiraqnıñ küpläp üterü qorallarına iä bulğanına dälillär ezläwne däwam itte. Ğiraq räsmiläre birgän mäğlümatlärgä qarağanda, inspektorlar ilneñ üzäk rayonnarındağı 5 urında bulğan, alar arasında medetsina kiräk-yaraqları häm raketalar citeşterü şirkätläre dä bar.
Kiçä Oyışmanıñ atom töş programmaların kontrol itü agentlığı başlığı Möhammäd Äl Baradei, Ğiraqtağı wazğiätne döres sürätlär öçen inspektorlarğa tağın östämä waqıt kiräk bulaçaq, dip belderde. Eşneñ uñışlı buluı öçen inspektorlarnıñ Ğiraq wäkilläre belän tulı xezmättäşlege kiräk, dide Äl Baradei, şul sanda qayber ğalimnär belän ayırım oçraşular da möhim. Amerika Quşma Ştatları häm başqa illärdän yardäm kilä, dide Äl Baradei, läkin anıñ süzlärenä qarağanda, tikşerülär öçen mäğlümat citep betmi .
Ul arada Quşma Ştatları Farsı qultığında xärbilär sanın arttıra. Kiçä tağın 35 meñlek ğaskärlär kiterergä digän färman birelde. Ğaskärlär belän bergä su astı köymäläre häm xärbi oçqıçlar, suğış korapları kiterelä. Monnan soñ, Amerika Quşma Ştatlarnıñ Farsı qultığı häm anıñ tiräsendä urnaşqan ğaskärlärneñ sanı 120 meñgä citäçäk.
Bügen Britaniä töbäkkä Ark Royal isemle oçqıç taşuçı xärbi korabın häm distädän artıq suğış köymälären cibärde. Meñgä yaqın xärbi häm ofitserlar tağın ber-niçä kön eçendä yulğa çığaçaq. Xärbilär aldan xäbär itelgänçä Yıraq Könçığışta künegülär uzdıru öçen yulğa çıqtı. Läkin alarnıñ Farsı qultığında tuqtalaçağı mäğlüm.
Ğiraq suğışın buldırmau yulların ezläw däwam itä. Bügen Törkiä premyer-ministrı Abdulla Gül Söğed Ğaräpstan häm İranğa kiter aldınnan yasağan çığışında, Ğiraq, suğış başlarğa telämäsä-Berläşkän Millätlär Oyışması İminlek Şurasınıñ rezolyutsiäsen tulısınça ütärgä tieş, dip belderde. Suğış başlana qalsa kürşe däwlätlär zur ziyan küräçäk, şunıñ öçen suğışnı buldırmau öçen quldan kilgänne eşlärgä kiräk, dide Gül. Räsmi Änkara suğış Törkiägä dä totrıqsızlıq alıp kiläçäk, dip borçıla. İqtisadqa zur orım belän ber rättän çik buyında Tönyaq Ğiraqtağı kördlär belän dä kierenkelek tuarğa mömkin.
Kiçä Oyışmanıñ atom töş programmaların kontrol itü agentlığı başlığı Möhammäd Äl Baradei, Ğiraqtağı wazğiätne döres sürätlär öçen inspektorlarğa tağın östämä waqıt kiräk bulaçaq, dip belderde. Eşneñ uñışlı buluı öçen inspektorlarnıñ Ğiraq wäkilläre belän tulı xezmättäşlege kiräk, dide Äl Baradei, şul sanda qayber ğalimnär belän ayırım oçraşular da möhim. Amerika Quşma Ştatları häm başqa illärdän yardäm kilä, dide Äl Baradei, läkin anıñ süzlärenä qarağanda, tikşerülär öçen mäğlümat citep betmi .
Ul arada Quşma Ştatları Farsı qultığında xärbilär sanın arttıra. Kiçä tağın 35 meñlek ğaskärlär kiterergä digän färman birelde. Ğaskärlär belän bergä su astı köymäläre häm xärbi oçqıçlar, suğış korapları kiterelä. Monnan soñ, Amerika Quşma Ştatlarnıñ Farsı qultığı häm anıñ tiräsendä urnaşqan ğaskärlärneñ sanı 120 meñgä citäçäk.
Bügen Britaniä töbäkkä Ark Royal isemle oçqıç taşuçı xärbi korabın häm distädän artıq suğış köymälären cibärde. Meñgä yaqın xärbi häm ofitserlar tağın ber-niçä kön eçendä yulğa çığaçaq. Xärbilär aldan xäbär itelgänçä Yıraq Könçığışta künegülär uzdıru öçen yulğa çıqtı. Läkin alarnıñ Farsı qultığında tuqtalaçağı mäğlüm.
Ğiraq suğışın buldırmau yulların ezläw däwam itä. Bügen Törkiä premyer-ministrı Abdulla Gül Söğed Ğaräpstan häm İranğa kiter aldınnan yasağan çığışında, Ğiraq, suğış başlarğa telämäsä-Berläşkän Millätlär Oyışması İminlek Şurasınıñ rezolyutsiäsen tulısınça ütärgä tieş, dip belderde. Suğış başlana qalsa kürşe däwlätlär zur ziyan küräçäk, şunıñ öçen suğışnı buldırmau öçen quldan kilgänne eşlärgä kiräk, dide Gül. Räsmi Änkara suğış Törkiägä dä totrıqsızlıq alıp kiläçäk, dip borçıla. İqtisadqa zur orım belän ber rättän çik buyında Tönyaq Ğiraqtağı kördlär belän dä kierenkelek tuarğa mömkin.
