Belarustağı keşe xoquqları oyışması, uzğan yılda respublikada xoquq bozular häm xökümätneñ bäysez mäğlümat çaralarına basımı arttı, dip xäbär itä. Xartiä-97 isemle älege oyışmanıñ matbuğat wäkile Lyudmila Gryaznova, yıllıq xisaptan, 3 bäysez jurnalistnıñ törmägä utırtırlğanı häm oppozitsiädäge 5 basmanıñ yabılğanı kürenä, dide. Oppozitsiägä qarşı basım artqan. Yıl däwamında 8 meñ 500 eşquar qulğa alınğan. Prezident Aleksandr Lukaşenka häm Belarus xökümäten xalıqara cämäğätçelek tä keşe xoquqların, säyäsi häm informatsion irekleklärne çikläwläre öçen täñqitli.
