Accessibility links

шимбә, 3 декабрь 2016, Казан вакыты 18:46

Qıtayda 32 kümerçene ezläw bara


Qıtaynıñ tönyaq-könçığışında urnaşqan Heilong-Jiang töbägendä, kümer bazında gaz şartlaw näticäsendä cir astında kümelep qalğan 32 kümerçene ezläw eşläre bara. Qotqaruçılar äytüençä, şaxta cimerelü säbäple, yullar yabılıp betkän, läkin tırışlıqlar däwam itä. Qıtaynıñ Kümer citeşterüdä İminlek İdaräse räsmie äytüençä, kiçä bulğan şartlaw näticäsendä ber kümerçe xäläk bulğan, ikese isän qalğan, 32-se xäbärsez yuğalğan sanala.

Ber kön elek kenä, Qıtaynıñ Jilin töbägendä, Soñ-Şu şaxtasında bulğan şartlaw näticäsendä 8 kümerçe ülgän ide.

Pekinnıñ Xezmät İminlege Bürosı mäglümätenä qarağanda, uzğan yılda bulğan qazalar waqıtında, Qıtayda barlığı 4500 kümerçe xäläk bulğan.

XS
SM
MD
LG