Accessibility links

шимбә, 10 декабрь 2016, Казан вакыты 13:43

Ğiraqtağı qoral tikşerüçelär eşlärne beterü öçen tağın berniçä ay sorıy


Xalıqara Atom Energiä Agentlığı citäkçese Möxämmät Äl-Baradei, Ğiraqta tikşerü eşlären beterü öçen tağın berniçä ay kiräk bulaçaq, dip belrderde. Äl-Baradei süzlärençä, bu waqıt Ğiraqnıñ niçek xezmättäşlek itüwenä bäyle. Älegä, xezmättäşelek sülpän, dide ul. Berük waqıtta, xalıqara cämägätçelektä bu mäsäläneñ 11 yıl buyı cişelmäwenä rizasızlıq arta dide ul:

Audio

İminlek Şurasına şundıy qaraş bar, ğinwarnıñ 27-sendä bulaçaq xisap – soñğı süz tügel. Şul uq waqıtta, Ğiraq mäsäläseneñ 11 yıl buyına çişelmäwe xalıqara cämägätçelektä rizasızlıq tudıra.

Agentlıqnıñ süzçese Mark Gwozdecky süzlärençä, BMO rezolutsiäse qoral tikşerüçelärgä 6 aydan alıp ber yılğa qädär eşlärgä mömkinlek birä. BMOnıñ İminlek Şurası bezgä bu waqıtnı birergä qarşı tügel, dide ul.

İke atnadan Äl-Baradei häm BMOnıñ baş qoral inspektorı Hans Blix İminlek Şurası aldında xisap totırğa tieş.

Bügen qoral tikşerüçelär Bagdadnıñ Fän häm Texnologiä kölliätlärendä tikşerülär alıp bardı.

XS
SM
MD
LG